اسلام آباد – 16 اپريل (اي پي پي) وزيراعظم شاهد خاقان عباسي دولت مشترڪه حڪومتي سربراهن جي 25 هين اجلاس ۾ پاڪستاني وفد جي قيادت ڪندو جيڪو 18 کان 20 اپريل تائين لنڊن ۾ ٿيندو. اجلاس جو بنيادي موضوع هڪ گڏيل مستقبل طرف اڳڀرائي آهي. پرڏيهي آفيس پاران جاري بيان موجب لنڊن ۾ رهڻ دوران وزيراعظم ملڪه الزبيٿ ٻه، پرنس آف ويلز ۽ برطانوي قيادت سان ملاقاتون ڪندو. اهو اجلاس دولت مشترڪه جي ٻين اڳواڻن سان ملاقاتن ۽ گڏيل دلچسپي جي معاملن تي خيالن جي ڏي وٺ جو موقعو پڻ فراهم ڪندو.
