الجبيل (سعودي عرب) – 16 اپريل (اي پي پي) وزيراعظم شاهد خاقان عباسي ڪيترن ئي عالمي اڳواڻن سان گڏ 24 ملڪن جي گڏيل فوجي مشق گلف شيلڊون جي عظيم الشان پڄاڻي واري تقريب ۾ شرڪت ڪئي ۽ عسڪري مهارتن جو شاندار مظاهرو ڏٺو. سعودي فرمانروا سلمان بن عبدالعزيز السعود عالمي اڳواڻن، دفاع واري وزير ۽ پرڏيهي وزير ۽ مختلف هٿياربند فوج جي سربراهن جي تقريب ۾ آجيان ڪئي جيڪي دمام جي اتر اوڀر ۾ اٽڪل 140 ڪلوميٽر پري صحرا ۾ منعقد ٿيون. وزيراعظم سان ان موقعي تي دفاع وارو وفاقي وزير انجنيئر خرم دستگير، چيف آف آرمي اسٽاف جنرل قمر جاويد باجوه ۽ سعودي عرب ۾ پاڪستان جو سفير هشام بن صديق پڻ گڏ هئا.
