اسلام آباد – 26 جنوري (اي پي پي) خاتون اول بيگم محموده ممنون حسين چيو آهي ته پاڪستان ۽ انڊونيشِيا تاريخي رشتن ۾ ٻڌل آهن ۽ آزادي کانپوءِ لاڳاپن ۾ گرمجوشي ڏٺي وئي آهي، هن اها ڳالهه پاڪستان جي دوري تي آيل انڊونيشيا جي خاتون اول ايريانا جوڪو ودودو سان ڳالهائيندي چئي جنهن ايوان صدر ۾ ساڻس ملاقات ڪئي. ان موقعي تي انڊونيشيا جي واپار واري وزير جي گهرواري پگي لو گيتا پاڪستان ۾ انڊونيشيا جي سفير جي گهر واري ريتا بيرلينا امري جڏهن ته پاڪستاني وفد ۾ سينيٽر عائشه فاروق رضا موجود هئي.
