اسلام آباد – 26 جنوري (اي پي پي) انڊونيشيا جو صدر جوڪو ودودو پاڪستان جي ٻن ڏينهن جي سرڪاري دوري تي وفاقي گادي واري شهر پهچي ويو، خاتون اول مادام ايريانا ودودو به ساڻس گڏ آهي، صدر ممنون حسين ۽ خاتون اول بيگم محموده ممنون حسين نور خان ايئر بيس تي سندس استقبال ڪيو، وفاقي وزير، پارليامينٽ جا ميمبر ۽ اعليٰ عملدار به ان موقعي تي موجود هئا. انڊونيشيا جي صدر کي آمد تي سلامي ڏني وئي، صدر جوڪو ودودو پارليامينٽ جي گڏيل اجلاس کي خطاب به ڪندو، وزير ۽ واپاري وفد به صدر ودودو سان گڏ آهن.
