اسلام آباد – پهرين جون (اي پي پي) وزيراعظم جي پرڏيهي صلاحڪار سرتاج عزيز چيو آهي ته ڀارت، فاٽا، بلوچستان ۽ ڪراچي ۾ تخريبي ڪارراين ۾ ملوث آهي، ڀارتي رياستي دهشتگردي قابل مذمت آهي، پاڪستان ڀارت جي منفي ارادن کي چڱي ريت ڄاڻي ٿو، ڪلڀوشن ياديو کي پاڪستاني ادارن تخريبي سرگرمين ۾ ملوث هجڻ تي گرفتار ڪيو آهي، والاريل ڪشمير ۾ ڀارت جي ظالماڻي ڪاررواين سان عالمي برادري کي آگاهه ڪيو آهي، ڪشميرين جي سياسي، اخلاقي ۽ سفارتي حمايت جاري رکنداسين، سينيٽ ۾ سينيٽر سحر ڪامران جي ڌيان ڇڪايو نوٽيس جي جواب ۾ هن چيو ته افغان جي صوبي ننگر هار ۾ آمريڪا طرفان دنيا جي سڀ کان وڏي بم حملي ۾ ڀارت جي 15 شهرين جي مارجڻ جي حوالي سان جيتوڻيڪ انگ اکر حتمي ناهن تنهن هوندي به ڀارت پاڪستان ۾ تخريبي سرگرمين ۾ ملوث آهي، ڀارت جي رياستي دهشتگردي قابل مذمت آهي، هن چيو ته افغان ڳجهي ايجنسي جي دهشتگردي جي سرگرمين کان به پاڪستان عالمي برادري کي آگاهه ڪيو آهي.
