اسلام آباد – پهرين جون (اي پي پي) صدر ممنون حسين جمهوريت لاءِ پارليامينٽ جي ڪردار کي ساراهندي چيو آهي ته انتهائي شديد سياسي اختلافن جي باوجود قومي اتحاد جي سڀ کان وڏي علامت بڻجي اڀري، تاريخ ۾ ان جو هي ڪردار سدائين رکيو ويندو، پاڪستاني جمهوريت وڏا لاها چاڙها ڏٺا آهن، اسان جي جمهوريت آزمائش جي گهڙين مان به گذري آهي ۽ قوم جي عزم جي ڪري ان وڏا معرڪا به سر ڪيا آهن جنهن جي نتيجي ۾ اسان جي پارليامينٽ جو پنهنجي حقيقي مقصد حاصل ڪرڻ طرف ڪاميابي سان سفر جاري آهي. هي عهد ان اعتبار کان گهڻي معنيٰ رکندڙ آهي ته بي شمار مشڪلاتن جي باوجود پارليامينٽ پنهنجي فيصلائتي حيثيت نه صرف برقرار رکي پر انتهائي شديد سياسي اختلافن جي باوجود قومي اتحاد جي سڀ کان وڏي علامت بڻجي اڀري، تاريخ ۾ ان جو هي ڪردار سدائين رکيو ويندو جنهن تي توهان سڀني کي ۽ پاڪستاني قوم کي دل جي گهراين سان مبارڪون ڏيان ٿو.
