اسلام آباد – 31 مئي (اي پي پي) قومي سلامتي ڪميٽي والاريل ڄمون ۽ ڪشمير جي بيگناهه عوام تي ڀارتي فوج جي ظلمن تي گهري ڳڻتي جو اظهار ڪندي ڪشميري عوام جي اخلاقي ۽ سفارتي حمايت جاري رکڻ جي عزم جو اظهار ڪيو آهي جڏهن ته ڪميٽي دهشتگردي جي خاتمي وارن آپريشنن خاص طور تي آپريشن ردالفساد مان ملندڙ فائدن تي پڻ اطمينان جو اظهار ڪيو آهي. قومي سلامتي ڪميٽي جو اجلاس وزيراعظم محمد نواز شريف جي صدارت ۾ ٿيو، قومي سلامتي ڪميٽي ملڪ جي مجموعي اندروني ۽ ٻاهرئين سلامتي صورتحال تي تفصيلي غور فڪر ڪيو. وزيراعظم جي ميڊيا آفيس پاران جاري بيان موجب اجلاس دوران اوڀرندي ۽ اولهندي سرحدن تي صورتحال تي پڻ بحث ڪيو ويو.
