اسلام آباد – 07 اپريل (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان ۾ ماڻهو سياست ۾ ملڪ جي عوام جي خدمت ڪرڻ اچن ٿا عمران خان وانگر پئسا ٺاهڻ نه ٿا اچن، عمران خان جي سياست رڳو پئسو ٺاهڻ، ڪوڙا الزام هڻڻ، انتشار پکيڙڻ ۽ فساد برپا ڪرڻ تي ٻڌل آهي، عمران خان پاناما تي سياست ڪرڻ ڇڏي پنهنجو ڌيان ڪي پي ڪي جي عوام تي ڏي، خان صاحب قومي احتساب جو فڪر ڇڏي خيبرپختونخواهه جي احتساب ڪميشن جو تالو کولرايو ۽ ان کي مضبوط ڪريو. پنهنجي هڪ بيان ۾ مملڪتي وزير چيو ته عمران خان اردو ۾ ڪوڙ ڳالهائي ڳالهائي ٿڪي پيو آهي هاڻي هن انگريزي ۾ ڪوڙ ڳالهائڻ شروع ڪري ڇڏيو آهي.
