اسلام آباد – 04 فيبروري (اي پي پي) وزيراعظم جي پرڏيهي معاملن واري خصوصي معاون طارق فاطمي چيو آهي ته پٺاڻ ڪوٽ حملي ۾ حافظ سعيد جي ملوث هجڻ بابت ڀارت پاران فراهم ڪيل ثبوت اسان جي عدالتن ۾ ٻڌڻي جوڳا نه آهن، عالمي ادارا معيشت ۽ سيڪيورٽي سميت هر شعبي ۾ پاڪستان جي ترقي جو اعتراف ڪري رهيا آهن. هڪ انٽرويو ۾ هن واضح لفظن ۾ اهو تاثر رد ڪري ڇڏيو ته پاڪستان جماعت الدعوته جي سربراهه تي پابنديون ٻاهرئين دٻاءُ تي هنيون آهن.
