اسلام آباد – 03 فيبروري (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته پاڪستان ڪشميرين جو وڪيل آهي، جيڪو وزيراعظم محمد نواز شريف جي قيادت ۾ معاشي طور تي مضبوط ۽ مستحڪم ٿي رهيو آهي، پاڪستان جي سلامتي ۽ مضبوطي ۾ ڪشميرين جي سلامتي آهي. ڪشمير يڪجهتي سيمينار کي خطاب ڪندي هن چيو ته ڪشميرين بي پناهه قربانين سان حريت جي جذبي کي زنده رکيو، ڪشمير ۾ ظلم، بربريت ۽ جبر جي عبرتناڪ تاريخ لکي پئي وڃي، ڀارتي فوج هڪ برهان واني کي شهيد ڪيو آهي ته تحريڪ آزاد ڪشمير ۾ وڌيڪ تيزي آئي آهي، ڪشمير ۾ هر ٻار ٻچو برهاني واني آهي.
