APP81-24 ISLAMABAD: November 24 - Prime Minister Muhammad Nawaz Sharif chairing meeting on situation along the LoC at PM House. APP

اسلام آباد – 24 نومبر (اي پي پي) پاڪستان والاريل ڪشمير جي عوام جي جائز آزادي جي جدوجهد جي لاءِ پنهنجي اخلاقي، سياسي ۽ سفارتي حمايت جاري رکڻ جي عزم جو ورجاءُ ڪندي عالمي برادري تي زور ڏنو آهي ته هو ڀارت طرفان ڄاڻي واڻي شهرين کي نشانو بڻائڻ ۽ وڌندڙ فوتگين جو نوٽيس وٺي ۽ لائين آف ڪنٽرل تي بگڙجندڙ سيڪيورٽي صورتحال جي خاتمي ۾ پنهنجو فعال ڪردار ادا ڪري. ان ڳالهه جو اظهار وزيراعظم محمد نواز شريف جي صدارت ۾ اجلاس ۾ ڪيو ويو جنهن ۾ ڀارتي سيڪيورٽي فورسز طرفان نيلم وادي جي ويجهو مسافر بس تي حملي کانپوءِ پيدا ٿيندڙ صورتحال جو جائزو ورتو ويو. اجلاس ۾ ڀارتي سيڪيورٽي فورسز طرفان مسلسل هروڀرو جي فائرنگ جي ڏس ۾ لائين آف ڪنٽرول جي صورتحال تي غور ڪيو ويو.