اسلام آباد – 24 نومبر (اي پي پي) وزيراعظم محمد نواز شريف ترڪمانستان جي صدر جي دعوت تي جمعي ڏينهن ٻن ڏينهن جي دوري تي ترڪمانستان روانو ٿيندو، هو پاڪستاني وفد جي قيادت ڪندي گڏيل قومن تحت اشڪ آباد ۾ ”پائيدار ٽرانسپورٽ بابت پهرين عالمي ڪانفرنس“ ۾ شرڪت ڪندو. پرڏيهي آفيس جي ترجمان پاران جاري بيان موجب گڏيل قومن جو سيڪريٽري جنرل بان ڪي مون ۽ ترڪمانستان ان ڪانفرنس جي گڏيل ميزباني ڪري رهيا آهن جنهن ۾ گهٽ ۾ گهٽ 1500 شرڪت ڪندڙ شريڪ ٿيندا، جن ۾ ملڪي ۽ حڪومتي سربراهه، وزير، نجي شعبي جا سي اي اوز، سول سوسائٽي جا اڳواڻ ۽ گڏيل قومن جا عهديدار شامل آهن.
