اسلام آباد – 25 آڪٽوبر (اي پي پي) سينيٽ ۾ قائد ايوان ۽ پاڪستان مسلم ليگ (ن) جي چيئرمين راجا ظفر الحق چيو آهي ته جڏهن پاڪ چين اقتصادي لنگهه جو منصوبو شروع ٿيو آهي ته ڀارت گوڙ ڪري رهيو آهي، پاڪستان جا وڪيل بهتر انداز ۾ ڪشمير جو ڪيس عالمي فورمن تي پيش ڪري سگهن ٿا، اهڙن خيالن جو اظهار هن اسلام آباد بار ڪائونسل جي تقريب کي خطاب ڪندي ڪيو. راجا ظفر الحق چيو ته ڪشمير بابت ڪوبه وفد ٻاهر موڪلڻو پوي ته ان حوالي سان بار سان رابطو ڪرڻ گهرجي، وڪيل بهتر انداز ۾ ڪشمير جو ڪيس پيش ڪري سگهن ٿا.
