ڪراچي – 24 آڪٽوبر (اي پي پي) اطلاعات ۽ نشريات واري وفاقي وزير سينيٽر پرويز رشيد چيو آهي ته عمران خان نادرشاهي سياست ڪري ٿو. ناليواري قوال امجد صابري مرحوم جي رهائشگاهه تي صحافين سان ڳالهائيندي سينيٽر پرويز رشيد چيو ته سپريم ڪورٽ عمران خان سميت سمورين ڌرين کي نوٽيس جاري ڪري ڇڏيا آهن، وزيراعظم عدالتي نوٽيس جي آجيان ڪئي آهي، اسان عدالت وينداسين ته جيئن عمران خان جو ڪوڙ بي نقاب ٿي سگهي. سينيٽر پرويز رشيد چيو ته ماضي ۾ رستن تي ٿيندڙ فيصلا ملڪ کي نقصان پهچائيندا رهيا آهن.
