اسلام آباد – 20 آڪٽوبر (اي پي پي) صدر ممنون حسين چيو آهي ته حڪومت جي بهتر پاليسين سبب ملڪ ۾ اقتصادي صورتحال بهتر ٿي آهي، واپاري برادري ٽيڪس باقاعدگي سان ادا ڪري ته جيئن عوام کي بنيادي سهولتون فراهم ڪرڻ ۾ اضافو ٿي سگهي، هن اها ڳالهه ايوان صدر ۾ اسلام آباد چيمبر آف ڪامرس اينڊ انڊسٽري (آءِ سي سي آءِ) جي صدر خالد اقبال ملڪ جي سربراهي ۾ وفد سان ملاقات دوران چئي. صدر چيو ته پاڪ چين اقتصادي لنگهه سان ملڪ ۾ترقي جي رفتار تيز ٿيندي ۽ خطي ۾ خوشحالي ايندي. ان عظيم منصوبي جي وقت سر پڄاڻي کي يقيني بڻائڻ لاءِ واپاري برادري حڪومت سان مڪمل تعاون ڪري.
