اسلام آباد – 18 آڪٽوبر (اي پي پي) صدر ممنون حسين چيو آهي ته پاڪ چين اقتصادي لنگهه نه رڳو پاڪستان جي اقتصادي حالت کي سنواريندو پر ان منصوبي سان پوري خطي ۾ نوڪرين جا موقعا پيدا ٿيندا ۽ اقتصادي حالت بهتر ٿيندي. هن اها ڳالهه سپارڪو جي چيئرمين ميجر جنرل قيصر انيس خرم جي سربراهي ۾ وفد سان ايوان صدر ۾ ڳالهائيندي چئي. سپارڪو چيئرمين صدر کي پنهنجي اداري ۾ جاري سيٽلائيٽ منصوبن ۽ پاڪ چين اقتصادي راهداري منصوبي ۾ پنهنجي اداري جي ڪردار جي باري ۾ آگاهه ڪيو.
