اسلام آباد – 27 سيپٽمبر (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد چيو آهي ته عالم سڳورا ۽ سمورن مڪتبه فڪر سان لاڳاپيل اسڪالر فرقيواراڻي ۽ بين المذاهب هم آهنگي پيدا ڪرڻ ۽ دهشتگردي جي خاتمي لاءِ ڀرپور ڪردار ادا ڪن، فرقيواراڻي هم آهنگي ۽ قومي ٻڌيءَ کي هٿي وٺرائڻ وقت جي اهم ضرورت آهي. مرڪزي امام حسين عه ڪائونسل جي سربراهه ڊاڪٽر غضنفر مهدي جي سربراهي ۾ وفد سان ڳالهائيندي هن چيو ته اسلام امن، سک ۽ پرامن گڏيل بقاءَ جو مذهب آهي، دين جي بزرگن امن، رواداري ۽ محبت جو پيغام پکيڙيو ۽ انهن جي ڪوششن سان ننڍي کنڊ جا ماڻهو مسلمان ٿيا.
