لاهور -17 آگسٽ (اي پي پي) ٽه ملڪي سيريز 29 آگسٽ کان 7 سيپٽمبر تائين شارجه ڪرڪيٽ اسٽيڊيم ۾ کيڏي ويندي جنهن ۾ افغانستان، پاڪستان ۽ ميزبان گڏيل عرب امارات جون تيمون شامل هونديون. جڏهن ته 8 ٽيمن تي ٻڌل ايشين ڪرڪيٽ ڪائونسل جو ايشيا ڪپ ٽي – ٽوئنٽي ٽورنامينٽ 9 کان 28 سيپٽمبر تائين ابوظهبي ۽ دبئي ۾ ٿيندو. ان ٽورنامينٽ ۾ پاڪستان کي گروپ اي ۾ ڀارت، عمان ۽ گڏيل عرب امارات سان رکيو ويو آهي، پي سي بي طرفان اعلان ڪيل 17 رانديگرن واري اسڪواڊ ۾ سلمان علي آغا کي ڪپتان مقرر ڪيو ويو آهي جڏهن ته ٻين رانديگرن ۾ ابرار احمد، فهيم اشرف، فخر زمان، حارث رئوف، حسن علي، حسن نواز، حسين طلعت، خوشدل شاهه، محمد حارث (وڪيٽ ڪيپر)، محمد نواز، محمد وسيم جونيئر، صاحبزاده فرحان، صائم ايوب، سلمان مرزا، شاهين شاهه آفريدي ۽ صفيان مقيم شامل آهن.
