اسلام آباد -30 آگسٽ(اي پي پي) صدر آصف علي زرداري 11هين قومي مالياتي ڪميشن جي جوڙجڪ ۾ تبديلي جي منظوري ڏئي ڇڏي آهي. بلوچستان حڪومت پنهنجو نان ايڪس آفيشيو ميمبر تبديل ڪري ڇڏيو آهي. ايوان صدر جي ميڊيا ونگ پاران جاري بيان موجب بلوچستان طرفان محفوظ علي خان کي 11هين اين ايف سي نان ايڪس آفيشيو ميمبر نامزد ڪيو ويو. صدر پاران نئين نامزدگي جي منظوري کان پوءِ گذريل منظوري رد ٿي وئي آهي. صدر آصف علي زرداري ڪرمنل قانون ترميمي بل 2025ع جي پڻ منطوري ڏئي ڇڏي آهي.
