لاهور -30 آگسٽ (اي پي پي) وزيراعظم محمد شهباز شريف چيو آهي، ته چين جي دوري دوران ايس سي او سربراهي اجلاس ۾ شرڪت کان علاوه بيجنگ ۾ بي عالمي عظيم ۾ فاشزم خلاف چين جي سوڀ جي 80هين سالگره واري تقريب ۾ به شرڪت ڪندس. چين جي دوري تي روانگي کان اڳ سماجي رابطن واري ويب سائيٽ ايڪس تي هڪ پوسٽ ۾ وزيراعظم چيو ته چين جي تاريخي دوري تي روانو ٿي رهيو آهيان، تيانجن ۾ ايس سي او ملڪن جي سربراهن واري اجلاس ۾ شرڪت ڪندس ۽ بيجنگ ۾ ٻي عالمي جنگ ۾ فاشزم خلاف چين جي سوڀ جي 80هين سالگره واري تقريب ۾ شرڪت به ڪندس. وزيراعظم چيو ته مون کي چين جي صدر شي جن پنگ ۽ ٻين عالمي اڳواڻن سان ملاقات جو انتظار آهي ته جيئن چين جيڪو آزمائش جي هر گهڙي ۾ اسان جو اسٽريٽجڪ تعاون تي ٻڌل شراڪتدار آهي، ان سان گڏوگڏ خطي جي ٻين اهم ملڪن سان ٻه طرفن لاڳاپن کي وڌيڪ مستحڪم بڻائيون. علائقائي تعاون کي هٿي ڏيڻ، گهڻه رخي نظام کي مضبوط ڪري امن ۽ خوشحالي جي گڏيل مقصدن کي اڳيان وڌائي سگهون.
