ميڊرڊ -30 آگسٽ (اي پي پي) غزه جي رهواسين سان يڪجهتي جي اظهار طور سڀ کان وڏوفلو ٽيلا آچر تي اسپين مان روانو ٿيندو. پرڏيهي ميڊيا مطابق ان فلوٽيلا قافلي ۾ ڪيتريون ئي ٻيڙيون امدادي سامان سان گڏ غزه ڏانهن روانيون ٿينديون. فلوٽيلا تي فسلطينين ۽ انساني حقن جا حمايت ڪندڙ ڪارڪن پڻ هوندا جڏهن ته اٽڪل 44 ملڪن مان ڪيترائي انساني حقن جا ڪارڪن ان فلوٽيلا سان گڏ هوندا جڏهن ته نمايان شخصيتن ۾ سوئيڊن سان تعلق رکندڙ عورت ڪارڪن گريٽا ٿنبرگ ۽ ماريانه موٽر به شامل آهن. گريٽا ٿنبرگ اهڙي ئي هڪ فلوٽيلا سان گڏ اڳ به غزه پهچڻ جي ڪوشش ڪري چڪي آهي. اهڙي ريت جي هڪ ڪوشش دوران ان کان اڳ اسرائيلي فوج 9 انساني حقن جي ترڪيه جي ڪارڪنن کي شهيد ڪري چڪي آهي. جون مهيني دوران پڻ اهڙي طرح جي فلوٽيلا جي هڪ ڪوشش کي اسرائيلي فوج روڪي ڇڏيو هو، ان ۾ گريٽا ٿنبرگ به شامل هئي.
