اسلام آباد-30 آگسٽ (اي پي پي) صدر آصف علي زرداري پيٽروليم ترميمي بل 2025ع جي منظوري ڏئي ڇڏي. ترميمي ايڪٽ اسمگلنگ ۽ غير قانوني پيٽرول پمپس خلاف قدمن کي مضبوط ڪري ٿو. ايوان صدر جي پريس ونگ مان جاري بيان موجب ترميمي بل جي منظوري کانپوءِ ڊپٽي ڪمشنرز، اسسٽنٽ ڪمشنرز ۽ ڪسٽمز عملدارن کي ضبط ڪرڻ جا اختيار ملي ويا آهن. پيٽروليم شين جي آءِ ٽي بيسڊ ٽريڪنگ متعارف ڪرائي وئي آهي. ڀڃڪڙين تي سخت سزائون ۽ ڏنڊ وڌايو ويو آهي. هي قانون پيٽروليم شعبي جي ريگوليشن کي جديد بڻائڻ ۽ شفافيت بڻائڻ ۾ مددگار هوندو. قانون سان اسمگلنگ ۽ ٽيڪس چوري خلاف سرڪاري قدم وڌيڪ موثر ٿيندا.
