بيجنگ-30 آگسٽ(اي پي پي) تاجڪستان جي صدر امام علي رحمان چيو آهي ته سندس ملڪ شنگهائي تعاون تنظيم (ايس اسي او) جي بانين مان هڪ آهي، تيانجن سربراهي اجلاس ميمبر ملڪن وچ ۾ سهڪار ۾ نئين دور جي شروعات ڪندو. اها ڳالهه هن شنگهائي تعاون تنظيم جي تيانجن سربراهي اجلاس جي موقعي تي دوشنبي ۾ چائنا ميڊيا گروپ کي خصوصي انٽرويو ۾ چئي. هن چيو ته تيانجن سربراهي اجلاس ايس سي او ملڪن وچ ۾ سهڪار ۽ تنظيم جي ترقي ۾ هڪ نئين باب جي شروعات ڪندو. صدر رحمان چيو ته شنگهائي تعاون تنظيم پاڻ کي گهڻ رخي سهڪار لاءِ هڪ ڪامياب ۽ بااثر پليٽ فارم طور ثابت ڪيو آهي، جيڪو سيڪيورٽي، معيشت ۽ ثقافت سميت مختلف شعبن ۾ فعال ڪردار ادا ڪري رهيو آهي. هن چيو ته 2024ع ۾ تاجڪستان ۽ چين جي لاڳاپن کي نئين دور ۾ جامع اسٽريٽجڪ سهڪار جي حصيداري ۾ اپگريڊ ڪيو ويو، تاجڪستان ۽ چين وچ عملي سهڪار معيشت، واپار، ماليات، تعليم، صحت، صنعت ۽ ٻين شعبن ۾ هٿي ملي رهي آهي. هن جو چوڻ هو ته تاجڪستان پنهنجي 2030ع ”قومي ترقياتي حڪمت عملي“ کي بيلٽ اينڊ روڊ انيشيٽو سان ڳنڍي رهيو آهي، تاجڪستان، چين سان سٺا لاڳاپا برقرار رکيا آهن ۽ گڏيل سهڪار کي مسلسل مضبوط بڻايو پيو وڃي.
