راولپنڊي -27 آگسٽ (اي پي پي) پاڪستان سپر ليگ جي اثاثن جي ويليوئيشن جو عمل شروع ٿي ويو آهي، جنهن جو مقصد فرنچائزز ۽ ڪمرشل رائيٽس جي ماليت جو تعين ڪرڻ آهي. پي سي بي پاران جاري ڪيل تفصيلن موجب پي ايس ايل جي نئين ٽيمن جو اگهه پڻ ان عمل ذريعي لڳايو ويندو. ان مقصد لاءِ اي واءِ ميناڪو ويليوئيشن کي ڪانٽريڪٽ ڏنو ويو آهي، جيڪو پنجن هفتن ۾ مڪمل ڪيو ويندو. پي ايس ايل جي سي اي او سلمان نصير چيو آهي، ته ويليوئيشن جو عمل شفافيت ۽ ميرٽ تي مشتمل فيصلن جي ضمانت آهي.هن چيو ته پاڪستان سپر ليگ دنيا جي نمايان ليگز ۾ پنهنجي جڳهه ٺاهي آهي ۽ اهي قدم ليگ جي ترقي ۽ استحڪام لاءِ اهم ثابت ٿيندا. هن چيو ته ويليوئيشن جي نتيجا مستقبل جي اسٽريٽجڪ فيصلن ۾ رهنمائي فراهم ڪندا.
