حيدرآباد-27 آگسٽ (اي پي پي) پاڪستان ڪرڪيٽ بورڊ جي انتظام هيٺ منعقد ٿيل انٽر اسڪول ٽيلينٽ هنٽ پروگرام تحت گونمينٽ ڪامپريهينسو بوائز هائير سيڪنڊري اسڪول لطيف آباد نمبر 10 ۾ اسڪولي ٻارن کان ڪرڪيٽ ٽرائلز ورتا ويا جنهن ۾ اسڪول جي شاگردن ڀرپور حصو ورتو. ٽرائلز پي سي بي جي سليڪٽر لال ڪمار ۽ وهاب ملڪ ورتا. ان موقعي تي اسڪول جو اسپورٽس انچارج معين الدين شيخ، ڪوچ عمران خان، فوڪل پرسن زاهد مغل، عثمان اسحاق ۽ اشفاق به موجود هئا. ٽرائلز ۾ اسڪول جي اٽڪل 50 شاگردن حصو ورتو.
