لاهور-11 آگسٽ (اي پي پي) پي سي بي چيئرمين محسن نقوي لٽل ماسٽر مرحوم حنيف محمد کي ڪرڪيٽ لاءِ ڏنل شاندار خدمتن تي کيس خراجِ عقيدت پيش ڪيو آهي. هن چيو ته مرحوم نه صرف هڪ عظيم رانديگر هو پر هڪ اعليٰ شخصيت جو مالڪ پڻ هو. حنيف محمد جي ٽرپل سينچري جو رڪارڊ اڄ به ڪرڪيٽ جي شوقينن کان نٿو وسري. مرحوم جي عمده بيٽنگ جو هرڪو مداح هو. ڪرڪيٽ جي دنيا اڄ به ان عظيم رانديگر کي ناهي وساريو ۽ نه وساري سگهندي. چيئرمين چيو ته حنيف محمد ڪرڪيٽ جي ميدان ۾ پاڪستان جو نالو روشن ڪيو. مرحوم جهڙا رانديگر عرصن کانپوءِ پيدا ٿيندا آهن. چيئرمين پي سي بي وڌيڪ چيو ته پاڪستان ڪرڪيٽ بورڊ پنهنجي هيروز جي خدمتن جو اعتراف ڪري ٿي، پاڪستان مرحوم جي بي مثال خدمتن کي هميشه ياد رکندو.
