دبئي -10 آگسٽ (اي پي پي) انٽرنيشنل ڪرڪيٽ ڪائونسل جي انتظام هيٺ پاڪستان، افغانستان ۽ گڏيل عرب امارات جي ڪرڪيٽ ٽيمن وچ ۾ ٽه ملڪي ٽي- ٽوئنٽي ٽرائي سيريز جي شروعات 29 آگست کان پهرين ميچ سان ٿيندي. ان سلسلي ۾ آءِ سي سي اڳ ئي شيڊول جاري ڪري ڇڏيو آهي. ايونٽ 29 آگسٽ کان 7 سيپٽمبر تائين شارجه ڪرڪيٽ اسٽيڊيم ۾ جاري رهندو. سيريز جي افتتاحي ميچ 29 آگسٽ تي پاڪستان ۽ افغانستان جي ڪرڪيٽ ٽيمن وچ ۾ کيڏي ويندي، ٽه ملڪي ٽي -ٽوئنٽي سيريز ۾ شامل هر ٽيم هڪٻئي سان ٻه ٻه ميچون کيڏندي جڏهن ته 7 سيپٽمبر تي ٽاپ ٻن ٽيمن وچ ۾ فائينل کيڏيو ويندو. سيريز جي شيڊيول مطابق سمورا ميچ شارجه ڪرڪيٽ اسٽيڊيم ۾ کيڏيا ويندا. پهريون ميچ پاڪستان ۽ افغانستان وچ ۾ 29 آگسٽ تي ٿيندو، ٻيو ميچ يو اي اي ۽ پاڪستان جي ٽيمن وچ ۾ 30 آگسٽ تي ٿيندو، ٽيون ميچ يو اي ۽ افغانستان جي ٽيمن وچ ۾ پهرين سيپٽمبر تي کيڏيو ويندو. چوٿون ميچ پاڪستان ۽ افغانستان جي ٽيمن وچ ۾ 2 سيپٽمبر، پنجون ميچ پاڪستان ۽ يو اي جي ٽيمن وچ ۾ 4 سيپٽمبر، ڇهون ميچ افغانستان ۽ يو اي جي ٽيمن وچ ۾ 5 سيپتمبر تي کيڏيو ويندو جڏهن ته ٽي ٽوئنٽي سيريز جي ٽاپ ٻن ٽيمن وچ ۾ فائينل ميچ 7 سيپٽمبر تي کيڏيو ويندو.
