سڊني-08 آگسٽ (اي پي پي) آسٽريليا ۽ ڏکڻ آفريقا جي ڪرڪيٽ ٽيمن وچ ۾ ٽن ٽي-20 ميچن جي سيريز جي پهرين ميچ 10 آگسٽ تي مرارا ڪرڪيٽ گرائونڊ، ڊارون واري هنڌ کيڏيو ويندو. ڏکڻ آفريقا جي ٽيم پنهنجي آسٽريليا جي دوري دوران ميزبان ٽيم خلاف ٽن ٽي-20 ۽ 3 هڪ ڏينهن واري عالمي ميچن جي سيريز کيڏندي. ڏکڻ آفريقا ۽ آسٽريليا جي ٽيمن وچ ۾ 3 ٽي ٽوئنٽي ڪرڪيٽ ميچن جي سيريز جي شروعات 10 آگسٽ تي پهرئين ميچ سان ٿيندي، ٻيو ٽي-20 ميچ 12 آگسٽ، جڏهن ته ٽيون ۽ آخري ٽي ٽوئنٽي ميچ 16 آگسٽ تي کيڏيو ويندو. ٽي-20 ميچن جي سيريز جا سڀئي ميچ نائٽ هوندا ۽ فلڊ لائٽس ۾ کيڏيا ويندا. ٽي- 20 سيريز ۾ ڏکڻ آفريقا جي ٽيم کي مشهور بيٽسمين آل رائونڊر ايڊن ڪائل مارڪرم ليڊ ڪندو، جڏهن ته آسٽريلوي ٽيم کي مچل مارش ليڊ ڪندو.
