ڊبلن-07 آگسٽ (اي پي پي) آئر لينڊ ۽ پاڪستان جي وومينز ڪرڪيٽ ٽيمن وچ ۾ 3 ٽي -20 عالمي ميچن تي ٻڌل سيريز جو ٻيو ميچ جمعي تي سول سروس ڪرڪيٽ ڪلب، بيلفاسٽ ۾ کيڏيو ويندو. اهو ميچ ڊي اينڊ نائيٽ هوندو ۽ فلڊ لائيٽس جي روشني ۾ کيڏيو ويندو. ميزبان آئرلينڊ جي وومينز ٽيم کي مهمان پاڪستان جي وومينز ٽيم خلاف سيريز ۾ 1-0 جي برتري حاصل آهي. آئرلينڊ جي وومينز ٽيم پهرين ٽي 20- ڪرڪيٽ ميچ ۾ پاڪستان جي وومينز ڪرڪيٽ ٽيم کي 11 رنسن تان شڪست ڏني هئي. پاڪستان جي وومينز ڪرڪيٽ ٽيم هن وقت آئرلينڊ جي دوري تي آهي ۽ گرين شرٽس پنهنجي آئرلينڊ جي دوري دوران ميزبان ٽيم خلاف 3 ٽي -20 عالمي ميچن جي سيريز کيڏندي جنهن جو هڪ ميچ کيڏيو ويو آهي جيڪو ميزبان ٽيم کٽي ورتو هو. پاڪستان جي وومينز ڪرڪيٽ ٽيم آئرلينڊ جي وومينز ٽيم خلاف ٻي ٽي -20 انٽرنيشنل ميچ کان اڳ ڀرپور تياري ڪئي آهي ته جيئن مخالف ٽيم خلاف جارحاڻي حڪمت عملي اختيار ڪري سگهجي. ٻنهي ٽيمن وچ ۾ ٽي 20 سيريز جي ٻي ميچ ۾ دلچسپ مقابلي جي اميد آهي. آئرلينڊ وومينز ٽيم خلاف 3 ٽي -20 عالمي ميچن جي سيريز ۾ پاڪستان وومينز ٽيم جي اڳواڻي فاطمه ثنا ڪندي جڏهن ته ميزبان وومينز ٽيم گيبي ليوس جي اڳواڻي ۾ ميدان ۾ لهندي. ٻنهي ٽيمن وچ ۾ 3 ٽي -20 ميچن جي سيريز جو ٻيو ميچ 8 آگسٽ، ٽيون ۽ آخري ميچ 10 آگسٽ تي کيڏيو ويندو. ٽي -20 عالمي ميچن تي ٻڌل سيريز جا ٽيئي ميچ ڊي اينڊ نائيٽ هوندا ۽ فلڊ لائيٽس جي روشني ۾ سول سروس ڪرڪيٽ ڪلب، بيلفاسٽ ۾ ئي کيڏيا ويندا.
