ٽرينيڊاڊ – 07 آگسٽ (اي پي پي) ويسٽ انڊيز ۽ پاڪستان جي ڪرڪيٽ ٽيمن وچ ۾ 3 ھڪ ڏينھن واري عالمي ميچن تي ٻڌل سيريز جي پھرين ميچ (اڄ) برائن لارا اسٽيڊيم، تاروبا، ٽرينيڊاڊ ۾ کيڏي ويندي. اھا ميچ ڊي اينڊ نائيٽ هوندي ۽ فلڊ لائٽس جي روشني ۾ کيڏي ويندي. ان کان اڳ ٻنھي ٽيمن وچ ۾ 3 ٽي-20 عالمي ميچن جي سيريز کيڏي وئي آھي جنھن ۾ پاڪستان جي ٽيم کي 2-1 تان ڪاميابي حاصل ڪئي آھي. پاڪستان جي ٽيم ون ڊي سيريز شروع ٿيڻ کان اڳ ڀرپور تيارين ۾ مصروف آھي. پريڪٽس سيشن دوران رانديگرن بيٽنگ، بالنگ ۽ فيلڊنگ جون مختلف مشقون ڪيون جڏھن ته ون ڊي اسڪواڊ ۾ آيل رانديگرن کي ڪوچنگ اسٽاف ڪنڊيشنز کي نظر ۾ رکندي نيٽ پريڪٽس ۾ مخصوص ھدف ڏنا ته جئين اھي ميچ جي صورتحال سان ھم آھنگ ٿي سگھن. ٻنھي ٽيمن وچ ۾ ون ڊي سيريز لاءِ ڪرڪيٽ جا مداح بي چيني سان منتظر آھن. پاڪستان جي ڪرڪيٽ ٽيم اڄ ڪلهه ويسٽ انڊيز جي دوري تي آھي 3 ون ڊي ميچن جي سيريز ۾ بھترين وڪيٽ ڪيپر بيٽسمين محمد رضوان پاڪستاني ٽيم جي قيادت ڪندو جڏھن ته ويسٽ انڊيز جي ٽيم جي قيادت شائي ھوپ ڪندو. ٽي-20 سيريز مڪمل ٿيڻ بعد پاڪستان جي ٽيم برائن لارا اسٽيڊيم، تاروبار، ٽرينيڊاڊ ۾ موجود آھي جتي 3 ھڪ ڏينھن وارين ميچن جي سيريز جي پھرين ميچ 8 آگسٽ تي کيڏي ڏيندي، ون ڊي سيريز جي ٻي ميچ 10 آگسٽ تي کيڏي ويندي جڏھن ته ٽئين ۽ آخري ون ڊي ميچ 12 آگسٽ تي کيڏي ويندي.
