جميڪا -04 آگسٽ (اي پي پي) پاڪستان ۽ ويسٽ انڊيز جي ڪرڪيٽ ٽيمن وچ ۾ 3 هڪ ڏينهن وارين عالمي ميچن تي ٻڌل سيريز جي پهرين ميچ 8 آگسٽ تي برائن لارا اسٽيڊيم، تاروبا، ٽرينيڊاڊ ۾ کيڏي ويندي. اها ميچ ڊي اينڊ نائيٽ هوندي ۽ فلڊ لائيٽن جي روشني ۾ کيڏي ويندي. پاڪستان جي ڪرڪيٽ ٽيم اڄ ڪلهه ويسٽ انڊيز جي دوري تي آهي، گرين شرٽس پنهنجي ويسٽ انڊيز جي دوري دوران ميزبان ٽيم خلاف 3 ٽي ٽوئنٽي ۽ 3 هڪ ڏينهن وارين عالمي ميچن جي سيريز کيڏندي. 3 ٽي ٽوئنٽي عالمي ميچن جي سيريز مڪمل ٿي چڪي آهي، جيڪا پاڪستان جي ٽيم 2-1 تان کٽي چڪي آهي. 3 ون ڊي ميچن جي سيريز ۾ بهترين بيٽسمين ۽ وڪيٽ ڪيپر محمد رضوان گرين شرٽس جي قيادت ڪندو. سيريز جي پهرين ميچ 8 آگسٽ تي، ٻي ميچ 10 آگسٽ تي جڏهن ته ٽين ۽ آخري ڪرڪيٽ ميچ 12 آگسٽ تي کيڏي ويندي.
