دبئي-01 آگسٽ (اي پي پي) انٽرنيشنل ڪرڪيٽ ڪائونسل (آءِ سي سي) پاڪستان، افغانستان ۽ گڏيل عرب امارتن وچ ۾ ٽه ملڪي ٽي 20 ٽراءِ سيريز جو شيڊول جاري ڪري ڇڏيو آهي. ايونٽ 29 آگسٽ کان 7 سيپٽمبر تائين تاريخي شارجه ڪرڪيٽ اسٽيڊيم ۾ کيڏي ويندي. سيريز جي افتتاحي ميچ 29 آگسٽ تي پاڪستان ۽ افغانستان جي ڪرڪيٽ ٽيمن وچ ۾ کيڏي ويندي. ٽه ملڪي ٽي 20 ٽراءِ سيريز ۾ شامل هر ٽيم ٽورنامينٽ ۾ ٻنهي ٽيمن خلاف 2-2 ميچ کيڏندي، جڏهن ته 7 سيپٽمبر تي ٽاپ ٻن ٽيمن وچ ۾ فائينل کيڏيو ويندو. آءِ سي سي طرفان جاري ٽه ملڪي ٽي 20 ٽراءِ سيريز جي شيڊول مطابق سمورا ميچز شارجا ڪرڪيٽ اسٽيڊيم ۾ کيڏيا ويندا.
