اسلام آباد-04 جون(اي پي پي) وزيراعظم جي خاص مددگار هارون اختر خان چيو آهي ته بيمار صنعتي يونٽس جي بحالي وزيراعظم محمد شهباز شريف جو ويزن آهي، بيمار صنعتي يونٽس جي بحالي سان روانگي واپار ۾ واڌ ۽ معيشت ۾ بهتري ايندي. هن اها ڳالهه وزيراعظم جي هدايت تي بيمار صنعتي يونٽس جي بحالي لاءِ قائم ڪميٽي جي اجلاس جي صدارت ڪندي ڪئي. اجلاس ۾ بيمار صنعتي يونٽس جي بحالي لاءِ تجويزن تي غور ڪيو ويو. اجلاس ۾ مهانگي يوٽيليٽيز، هاءِ انٽريسٽ ريٽ ۽ ننڍن صنعتڪارن کي قرضن جي عدم فراهمي کي وڏو سبب قرار ڏنو. ڪميٽيءَ سفارش ڪئي ته اسٽيٽ بئنڪ بئنڪن کي بيمار صنعتي يونٽس جي معاونت لاءِ نَيون هدايتون جاري ڪري. اجلاس ۾ ٽيڪس ۾ سهولت، بحالي ۽ ڪاروباري منصوبن، قرض ڏيندڙن جي درجابندي جي تجويز پيش ڪئي وئي. هن چيو ته وزيراعظم محمد شهباز شريف جي ويزن تحت منصوبن جي بحالي تي ڪم ڪيو ويندو. هن چيو ته بيمار صنعتي يونٽس جي بحالي سان روانگي واپار ۽ معيشت ۾ بهتري ايندي. هارون اختر خان ڪميٽي کي اڄ تائين مسودي کي حتمي شڪل ڏيڻ جي هدايت ڪئي.
