بيجنگ – 21 اپريل (اي پي پي) چين چيو آھي ته عالمي واپار ۾ ھڪ ڀيرو ٻيھر ٻيلن جو قانون لاڳو ٿيڻ جي صورت ۾ ڪو به ملڪ ڪامياب نه ٿيندو. پرڏيھي ميڊيا مطابق چين جي واپار واري وزارت طرفان جاري بيان ۾ چيو ويو آھي ته جيڪڏھن عالمي واپار ۾ بالاستي ۽ ڪاوڙ واريون پاليسيون غالب ٿيون ته عالمي طور معيشتن کي نقصان پھچندو. بيان ۾ وڌيڪ چيو ويو آھي ته چين جي حڪومت پنھنجي ملڪ جي مفادن کي نقصان پھچائڻ واري ڪنھن به ملڪ جي معاھدي جي سخت خلاف آھي ۽ اھڙي امڪاني معاھدي کي برداشٽ نه ڪندي ۽ سخت جوابي قدم کڻندي. بيان ۾ چيو ويو آھي ته چين جي حڪومت سمورن ڌرين سان يڪجھتي ۽ ھم آھنگي کي مضبوط ڪرڻ ۽ گڏيل طور ھڪ طرفن ڪاوڙ تي ٻڌل قدمن جو جواب ڏيڻ ۽ مذاھمت ڪرڻ لاءِ تيار آھي. چين جو خيال آھي ته آمريڪي ٽيرف پاليسي جي معاملي ۾ سڀني کي انصاف جو ساٿ ڏيڻ گھرجي. واضح رھي ته وال اسٽريٽ جرنل پنھنجي رپورٽ ۾ چيو آھي ته آمريڪا جي حڪومت ان اميد ۾ آھي ته آمريڪي ٽيرف ۾ گھٽتائي بدران ٻين ملڪن کي چين سان اقتصادي ۽ واپاري لاڳاپن کي محدود ڪرڻ تي راضي ڪري. اخبار مطابق آمريڪا 70 کان وڌيڪ ملڪن کي چين جي ڪمپنين کي پنھنجي ڌرتي تي قائم ڪرڻ ۽ ان ذريعي سامان جي فراھمي تي پابندي لڳائڻ لاءِ راضي ڪرڻ جو منصوبو رکي ٿو. 2 اپريل تي، آمريڪي صدر ڊونلڊ ٽرمپ 185 ملڪن ۽ علائقن جي مصنوعات تي محصول متعارف ڪرائڻ جو اعلان ڪيو جڏھن ته 9 اپريل تي ھن ڪجھه ملڪن ۽ علائقن تي لاڳو انفرادي امپورٽ محصول کي 90 ڏينھن لاءِ رد ڪري ڇڏيو پر چين جي مصنوعات تي ٽيرف وڌائي 125 سيڪڙو ڪري ڇڏيو.
