اسلام آباد – 30 – جنوري (اي پي پي) وزيراعظم محمد شهباز شريف چيو آهي ته اوڳاڙين ۾ اضافي ۽ ٽيڪس جي بنياد تي توسيع حڪومت جي اولين ترجيح آهي، سمورن شعبن ۾ آءِ ٽي ۽ ٽيڪنالاجي جو استعمال معاشي ترقي جي لاءِ ضروري آهي، ڪراچي ۾ قائم ٿيندڙ فيس ليس ڪسٽمز اسيسمنٽ سسٽم جي طرز تي سمورن شعبن ۾ تمام جلد خودڪار نظام قائم ڪيو ويندو. وزيراعظم آفيس جي ميڊيا ونگ پاران جاري بيان موجب هن اهڙن خيالن جو اظهار چيئرمين شبير ديوان جي قيادت ۾ پاڪستان بزنس ڪائونسل جي وفد سان ڳالهائيندي ڪيو جنهن وزيراعظم سان ملاقات ڪئي. ان موقعي تي وفاقي وزير ڄام ڪمال خان، احد خان چيما، محمد اورنگزيب، عطاءُ الله تارڙ، مصدق مسعود ملڪ، مملڪتي وزير علي پرويز ملڪ ۽ لاڳاپيل ادارن جا اعليٰ آفيسر موجود هئا. وزيراعظم چيو ته ڪراچي ۾ قائم ٿيندڙ فيس ليس ڪسٽمز اسيسمنٽ سسٽم جي طرز تي سمورن شعبن ۾ تمام جلد خودڪار نظام قائم ڪيو ويندو، سروس ڊيليوري جي عمل ۾ شفافيت آڻڻ پاڪستان حڪومت جي اولين ترجيحن مان هڪ آهي، اسان روانگي واپار تي ٻڌل معاشي ترقي جا خواهشمند آهيون ۽ روانگي واپار ۾ اضافي جي لاءِ قدم کنيا پيا وڃن. وزيراعظم چيو ته ملڪي روانگي واپار ۾ اضافي جي لاءِ مقامي طور تي تيار ڪيل خام مال ۽ ٻين شين جي عالمي معيار موجب آندو وڃي، سمورن شعبن ۾ آءِ ٽي ۽ ٽيڪنالاجي جو استعمال معاشي ترقي جي لاءِ ضروري آهي، ملڪي ترقي ۽ معاشي استحڪام حڪومت ۽ ڪاروباري برادري جي وچ ۾ تعاون تي ٻڌل آهي. وزيراعظم چيو ته اوڳاڙين ۾ اضافو ۽ ٽيڪس بيس ۾ توسيع اسان جي اولين ترجيحن ۾ شامل آهي. وفد وزيراعظم کي ملڪ جي تازي معاشي استحڪام تي خراج تحسين پيش ڪيو ۽ وياج جي شرح لاڳيتو گهٽتائي کانپوءِ 12 سيڪڙو تي آڻڻ ملڪ ۾ ڪاروبار جي لاءِ انتهائي خوش آئنده قرار ڏنو. وفد ڪراچي ۾ قائم ٿيندڙ فيس ليس ڪسٽمز اسيسمنٽ سسٽم ۽ ڊيجيٽائيزيشن ۽ ٻين سڌارن کانپوءِ ايف بي آر جي ڪارڪردگي ۾ واضح بهتري کي خوش آئنده قرار ڏنو. وفد جي ميمبرن چيو ته فيس ليس ڪسٽمز اسيسمنٽ سسٽم سان ڪاروباري برادري جي لاءِ آسانيون پيدا ٿيون آهن ۽ ڪليئرنس جي نظام ۾ شفافيت آئي آهي.
