رياض-08 جنوري (اي پي پي) سعودي عرب ۾ 19 ٻارن جي ماءُ ڊاڪٽريٽ جي ڊگري حاصل ڪري ورتي آهي. پرڏيهي ميڊيا موجب سعودي عورت ڊاڪٽر حمده الرويلي هڪ ٽي وي پروگرام ۾ ٻڌايو ته تعليم حاصل ڪرڻ جو کيس تمام گهڻو شوق هيو جيڪو هن شادي کان پوءِ به جاري رکيو. عورت ٻڌايو ته کيس 19 ٻار آهن جن جي تربيت ۽ روزگار باوجود علم حاصل ڪرڻ تمام مشڪل هيو پر منهنجي عزم سامهون مشڪلاتون آسان ٿينديون ويون. ڊاڪٽر حمده الرويلي ٻڌايو ته 19 ٻارن مان 9 نياڻيون ۽ 10 پٽ آهن سڀ کان وڏي جي عمر 23 سال سڀ کان ننڍو ٻار 4 مهينن جو آهي. عورت چيو ته هو نفسياتي ڪلينڪ ۾ ملازمت ۽ ڊجيٽل مارڪيٽنگ به ڪندي آهي.
