گڏيل قومون-08 جنوري (اي پي پي)گڏيل قومن عالمي برادري کي اپيل ڪئي آهي ته لبنان جي لکين بي گهر ماڻهن جي انساني بنيادن تي امداد ڪئي وڃي. پرڏيهي ميڊيا موجب گڏيل قومن چيو آهي ته اسرائيل طرفان بمباري سبب لبنان کي فوري طور تي 371 ملين ڊالرن کان وڌيڪ جي امداد جي ضرورت آهي ته جيئن لکين بي گهر ماڻهن جي مدد ڪري سگهجي. گڏيل قومن جي انساني بنيادن تي رابطاڪار عمران رضا اميد ظاهر ڪئي ته هاڻي انهن جي بحالي ممڪن ٿي ويندي، تنهن هوندي به هن چيو ته اها اضافي فنڊنگ فوري گهربل آهي ته جيئن انهن بي گهر ماڻهن جون زندگيون بچائڻ جي ڪوششن کي جاري رکيس گهجي، ڇاڪاڻ ته اهي پهرين ئي وڏي خراب حالت ۾ آهن ۽ بک جي ور چڙهيل آهن. هي اپيل شروعاتي طور تي 10 لک لبنانين، شامين ۽ جنگ سٽيل فلسطيني پناهگيرن لاءِ ڪئي وئي هئي ته جيئن 2025ع جي پهرين ٽن مهينن لاءِ انهن جون ضرورتون پوريون ڪري سگهجن.
