رياض-05 جون(اي پي پي) سعودي عرب پاران فلسطيني عوام لاءِ امدادي سامان جو 52 هون جهاز مصر جي العريش انٽرنيشل ائير پورٽ تي پهچي ويو آهي، ميديا رپورٽن موجب انساني خدمت واري مرڪز شاه سلمان پاران دفاع واري وزارت جي سهڪار سان غزه جنگ متاثرن لاءِ موڪليل سامان ۾ فوڊ باڪس موجود آهن جن کي زميني رستي غزه موڪليو ويندو، واضع رهي ته شاه سلمان مرڪز غزه پٽي جي متاثرن جي مدد لاءِ هوائي ۽ سامونڊي پل قائم ڪيا آهن، هن وقت تائين 51 جهازن ذريعي امدادي سامان موڪليو ويو آهي جڏهن ته 6 سامونڊي جهاز پڻ موڪليا ويا آهن، سعودي عرب 20 ايمبولينسز پڻ غزه موڪليون آهن جڏهن ته غزه متاثرن جي مدد لاءِ عطيات مهم پڻ هلائي وئي آهي.
