ٽوڪيو – 19 اپريل (اي پي پي) جاپان جي اولهه واري علائقي ۾ 6.6 شدت جو زلزلو رڪارڊ ڪيو ويو آهي. اين ايچ ڪي جاپان جي زلزلي ماپيندڙ سينٽر جي حوالي سان ٻڌايو ته گذريل رات جاپان جي اولهه واري علائقي ايهمي ۽ ڪوچي ۾ شديد زلزلي جا لوڏا محسوس ڪيا ويا جن جي شدت ريڪٽر اسڪيل تي 6.6 رڪارڊ ڪئي وئي. اختيارين مطابق 1996 ۾ زلزلن جي شدت ماپيندڙ نئون پيمانو متعارف ڪرائڻ کانپوءِ اهو انهن علائقن جو شديد ترين زلزلو آهي. زلزلي کانپوءِ ڪرڻ جهڙن واقعن ۾ ڪجهه ماڻهن جي زخمي جو اطلاع مليو آهي.
