ماسڪو-28 مارچ (اي پي پي) روس چيو آهي ته ايف 16 جهازن کي ملڪ خلاف استعمال ڪندڙ اسان جو جائز هدف هوندا. رائٽرز موجب روس جي صدر ولاديمير پيوٽن خبردار ڪيو ته جيڪڏهن يوڪرين کي ڏنل ايف 16 جنگي جهازن کي ٽئين ڌر جي علائقن مان استعمال ڪيو ويو ته اهي روس لاءِ جائز هدف هوندا، چاهي اهو ڪٿي به هجن. هن ٽور جي علائقي ۾ فوجي پائليٽن سان ڳالهين دوران چيو ته روس وٽ نيٽو جي ڪنهن ملڪ تي حملو ڪرڻ جو ارادو ناهي ۽ هو پولينڊ، بالٽڪ رياستن يا جمهوريه چيڪ تي حملو نه ڪندو ۽ نه اسان جو انهن رياستن جي خلاف ڪو جارحاڻو ارادو آهي پر جيڪڏهن اولهه يوڪرين کي ايف 16 جنگي جهاز فراهم ڪري ٿو ته روسي فوج کين ماري ڪيرائيندي.
