ابوظهبي -27 مارچ (اي پي پي) ابوظهبي جو سي ورلڊ ياس ٻيٽ دنيا جي سڀ کان وڏي واٽر انڊورٿيم پارڪ طور گنيز بڪ آف ورلڊ رڪارڊز ۾ شامل ڪيو ويو آهي. ميڊيا رپورٽن مطابق ان موقعي تي سي ورلڊياس جي جنرل مئنيجر ٿومس ڪيورلي گنيز بڪ آف ورلڊ رڪارڊ ۾ داخل ٿيڻ تي خوشي جو اظهار ڪندي چيو آهي، ته هي ڪاميابي ان ڳالهه جو ثبوت آهي ته ٿيم پارڪ ۾ ايندڙ هر عمر جي ماڻهو کي بهترين تفريحي، تعليمي سهولت فراهم ڪرڻ سميت سامونڊي جيوت جي تحفظ بابت آگاهي پڻ ڏني ويندي آهي.گنيز بڪ آف ورلڊ رڪارڊ ۾ داخل سي ورلڊياس ٻيٽ جو نالو دنيا جي بهترين تفريحي منصوبن ۾ نمايان هوندو جتي سڄي دنيا جا سياح آبي حيات ۽ سامونڊي خوبصورتي بابت معلومات حاصل ڪري سگهندا.ميرال گروپ جي سي اي او محمد عبدالله الزعابي ۽ سي ورلڊ ابوظهبي جي انتظاميه گنيز بڪ ۾ نالو داخل ٿيڻ جو سرٽيفڪيٽ حاصل ڪيو. ياد رهي ته هڪ لک 83 هزار مربع ميٽرن تي پکڙيل 5 ماڙ ٿيم پارڪ جي افتتاح کي اڃا هڪ سال مڪمل ٿيو آهي.
