ڪيپ ٽائون-15 مارچ (اي پي پي)ڏکڻ آفريقا جي پرڏيهي وزير ناليڊي پانڊور چيو آهي ته اسرائيلي فوج ۾ موجود اسان جي شهرين کي وطن واپسي تي گرفتار ڪيو وڃي.پرڏيهي خابرو اداري موجب پرڏيهي وزير آفريقن نيشنل ڪانگريس ۾ فلسطين سان يڪجهتي جي اظهار بابت بيان ڏيندي چيو ته اسان تيار آهيون، جيڪڏهن اسرائيلي دفاعي قوتن ۾ شامل ڏکڻ آفريقا جا شهري واپس وطن ايندا ته انهن کي گرفتار ڪيو ويندو، ان حوالي سان هڪ خاص بيان پڻ جاري ڪيو ويو آهي، هن چيو ته اسان فلسطيني عوام جي آزادي واري جدوجهد جو صرف 8 آڪٽوبر کان نه پر ڪيترن ئي ڏهاڪن کان ساٿ ڏئي رهيا آهيون.
