بيجنگ-13 مارچ (اي پي پي)چين، ايران ۽ روس جي فوج جون 5 ڏينهن واريون سامونڊي مشقون نار عمان ۾ شروع ٿي ويون آهن. چين جي قومي دفاع واري وزارت جي پڌرائي ۾ ٻڌايو ويو آهي ته چين، ايران ۽ روس جون سامونڊي مشقون 11 کان 15 مارچ تائين جاري رهنديون. وزارت مطابق سيڪيورٽي بانڊ-2024 جي نالي سان ٿيل مشقن جو مقصد سامونڊي سهڪار کي مضبوط بڻائڻ ۽ علائقائي امن و استحڪام جو تحفط ڪرڻ آهي. چين جي سامونڊي فوج چيني پيپلز لبريشن آرمي نيويءَ مشقن ۾ حصو وٺڻ لاءِ 3 سامونڊي جهاز موڪليا جن م گائيڊڊ ميزائيل ڊسٽرائر ارومچي، گائيڊڊ ميزائيل فريگيٽ لني ۽ جامع سپلاءِ جهاز ڊونگ پنگهو شامل آهن.
