گڏيل قومن – 12 مارچ (اي پي پي) چين غزه ۾ جنگ بندي لاءِ عالمي ڪوششن تي زور ڏنو. شنهوا مطابق گڏيل قومن ۾ چين جي نائب مستقل نمائندي گينگ شوانگ چيو ته غزه ۾ موجوده ڇڪتاڻ 5 مهينن کان جاري آهي جنهن جي سبب هتي جي رهواسي عورتن کي ناقابل بيان نقصان پهتو آهي. هن چيو ته 9 هزار کان وڌيڪ مائون ۽ نياڻيون شهيد ٿي چڪيون آهن لکين عورتون بي گهر ٿيون آهن. هن چيو ته مسلمانن جو مبارڪ مهينو رمضان شروع ٿي چڪو آهي ۽ غزه جي ماڻهن کي عبادتون ڪرڻ ۾ مشڪلات جو سامهون ڪري رهيا آهن. هن سلامتي ڪائونسل کي جنگن ۾ جنسي تشدد جي حوالي سان بريفنگ ۾ ٻڌايو ته چين عالمي برادري کان مطالبو ڪيو آهي ته هو فوري قدمن کڻندي غزه جي ماڻهن جي بقا جي اميد کي برقرار رکڻ لاءِ فوري جنگ بندي جي ڪوششن کي ٻيڻو ڪري.
