بيجنگ-07 مارچ (اي پي پي)چين غزه ۾ جنگ کي تهذيب لاءِ توهين قرار ڏيندي فوري جنگ بندي جو مطالبو ڪيو آهي. ميڊيا رپورٽن موجب چين جي پرڏيهي وزير وانگ يي بيجنگ ۾ نيوز ڪانفرنس کي خطاب ڪندي چيو ته غزه جنگ انسانيت لاءِ الميو ۽ تهذيب لاءِ توهين جو سبب آهي، اڄ 21 هين صدي ۾ ان انساني تباهي کي روڪي نٿو سگهجي، هن چيو ته عالمي برادري کي غزه ۾ فوري جنگ بندي لاءِ قدم کڻڻ گهرجن ۽ دشمني جي خاتمي کي پهرين ترجيح بڻائڻ گهرجي ۽ فوري اخلاقي ذميواري طور انساني امداد کي يقيني بڻائڻ گهرجي.
