مڪه مڪرمه -07 مارچ (اي پي پي) مڪه مڪرمه جي نائب گورنر شهزاده سعود بن مشعل بن عبد العزيز رمضان المبارڪ جي آمد کان اڳ حرمين ايڪسپريس ٽرين جي تيارين جو جائزو ورتو . عاجل نيوز مطابق نائب گورنر حرمين ٽرين ۾ مڪه مڪرمه جي الرصيفه اسٽيشن تائين سفر ڪيو ۽ ان دوران منصوبي جي ذميوارن سان ملاقات ڪري عمره سيزن جي تيارين ۽ آپريشنل منصوبن جو جائزو ورتو . نائب گورنر ايڪسپريس ٽرين طرفان فراهم ڪيل مختلف پروگرامز ۽ جديد سهولتن تي به بريفنگ ورتي . هن ذميوارن سان گڏ جده جي ڪنگ عبدالعزيز ايئر پورٽ اسٽيشن جو به دورو ڪيو ۽ عمره سيزن لاءِ پانڌيئڙن جي آجيان ۽ اسٽيشن جي تياري، ٽرين آپريشن ۽ مسافرن کي فراهم ڪيل سهولتن جو معائنو ڪيو .
