پيانگ يانگ- 30 جنوري (اي پي پي) اتر ڪوريا هڪ هفتي ۾ ٻيو ڀيرو پنهنجي نئين اسٽريٽجڪ ڪروز ميزائيل جو تجربو ڪيو آهي. عالمي خابرو اداري جي رپورٽ مطابق نون ميزائيلن جو تجربو آبدوز تان ڪيو ويو. ان سلسلي ۾ اترڪوريا جي صدر ڪم جونگ ان تجربي جو معائنو پڻ ڪيو. اتر ڪوريا جي سرڪاري ايجنسي مطابق ميزائيل 02 ڪلاڪن تائين ملڪ جي اوڀر سمنڊ جي ڪناري کان سمنڊ جي مٿان اڏام ڪندي پنهنجي هدف کي ڪاميابي سان نشانو بڻايو. پرڏيهي ميڊيا رپورٽن مطابق اهو ميزائيل تجربو فوج کي جديد بڻائڻ لاءِ اسٽريٽجڪ اهميت وارو آهي. جنهن جو مقصد اترڪوريا کي هڪ طاقتور سامونڊي قوت وارو ملڪ بڻائڻو آهي.
