ڪويت سٽي – 30 جنوري(اي پي پي) ڪويت جي نئين حڪومت پارليامينٽ جي اجلاس ۾ حلف کڻي ورتو. اردو نيوز مطابق گذريل ڏينهن نئين حڪومت حلف کڻڻ کانسواءِ آئين جي شق 91 تي عملدرآمد ڪندي پارليامنٽ فعال ٿي وئي. ڪويت جي آئين جي شق 91 مطابق پارليامينٽ ميمبر ذميواري سنڀالڻ کان پهرين حلف کڻندي. ياد رهي ته 4 جنوري تي ڪويت جي امير شيخ مشعل الحمد الجابر الصباح شاهي فرمان جاري ڪندي شيخ ڊاڪٽر محمد صباح السالم الصباح کي وزيراعظم مقرر ڪيو هو. ڪويت جي امير 17 جنوري تي 13 ماڻهن تي ٻڌل نئين وزارت جوڙڻ جو اعلان ڪيو هو جڏهن ته 28 جنوري تي شريده المعوشرجي کي نائب وزيراعظم طور تي مقرر ڪيو ويو هو.
