واشنگٽن- 22 جنوري (اي پي پي)آمريڪي رياست ٽيڪساس ۾ گهر اندر فائرنگ جي نتيجي ۾ 03 ڄڻا مارجي ويا ۽ 02 زخمي ٿي پيا آهن. چائنا گلوبل ٽيلي ويزن نيٽ ورڪ جي حوالي سان ٻڌايو ويو آهي ته هيوسٽن جي ڀرپاسي واري شهر ڪيٽي ۾ هڪ گهر ۾ اٽڪل 10 کان 20 ڄڻا گڏ ٿيل هئا جن مان ڪنهن تلخ ڪلامي بعد فائرنگ شروع ڪري ڏني جنهن جي نتيجي ۾ هڪ عورت سميت 03 ڄڻا مارجي ويا ۽ 02 زخمي ٿي پيا آهن. امدادي ٽيمن فوتين ۽ زخمين کي فوري طور تي اسپتال منتقل ڪيو. پوليس واقعي جي تحقيقات ڪري رهي آهي.
