پيانگ يانگ – 19 جنوري (اي پي پي) اتر ڪوريا چيو آهي ته ان آمريڪا، ڏکڻ ڪوريا ۽ جاپان جي گڏيل سامونڊي مشقن جي جواب ۾ ايٽمي هٿيارن جي پاڻي هيٺ نظام هائل 5-23 جو تجربو ڪيو آهي. ڪي سي اين اي اتر ڪورين دفاع واري وزارت جي بيان جي حوالي ٻڌايو ته ٽه ملڪي سامونڊي مشقون اتر ڪوريا جي سلامتي لاءِ خطرو آهن، ان جي جواب ۾ اسان پنهنجي پاڻي هيٺ ايٽمي هٿيارن جهي سسٽم هائل 5-23 جو تجربو ڪيو آهي. هائل جو هڪ مختلف ورزن جنهن جو مطلب ڪورين ٻولي ۾ سونامي آهي. ياد رهي ته آمريڪا، ڏکڻ ڪوريا ۽ جاپان جي سامونڊي مشقن ۾ ٽنهي ملڪن جا 9 جنگي جهاز شامل هئا.
